نحتاج كثيرا لصوص الشيكولاتة بجانب الكيك او لحشو الكريب او لاى حلو اخر وهنا لك :
طريقة سهلة جدا لعمل صوص الشيكولاتة ورائع جدا و لا تكلفك اى وقت او مجهود ولذيذ جدا
اى نوع شيكولاتة عندك خام او شيكولاتة جاهزة من المكعبات
انا بصراحة لما بتجيلى علبة شيكولاتة هدية و نوعها مش قوى بعملها صوص شيكولاتة
المكونات :
- شيكولاتة اى نوع 1/4 ك خام او 6 مكعبات صغيرة من الشيكولاتة الجاهزة
- كمية صغيرة من اللبن حوالى ملعقتين
الطريقة :
نحضر سلطانية او طبق غويط زجاجى او صينى ونضع فية الشيكولاتة ثم نضع عليها اللبن ثم نضعها على حمام مائى على نار هادئة ونقلب كل شوية لحد ما يمتزج اللبن بالشيكولاتة ويعطيكى مزيج سميك نوعا لو محتاجة المزيج يخف شوية اضيفى قليل من اللبن لكن لو محتاجاة يكون اكثر سمكا اضيفى شيكولاتة لحد ما يتكون السمك حسب رغبتك
ثم تتركيها لتبرد وتستخدميها مع الكيك او لحشو الكريب او اى نوع حلو يحتاج لصوص الشيكولاتة
